必勝客

营业中

休息中

上环依间细细间既pizza hut系我既饭堂之一，由于座位都唔够三十个，而且有午市套餐，坐得干净企理，都几常爆满架先睇下个餐牌，都有成10款主菜你选择都不外乎系焗饭、意粉同埋pizza ，而套餐仲会配埋餐汤、蒜蓉包同埋饮品，价钱方面有平有贵，不过记得要加一服务费餐汤指定左系蘑菇忌廉鸡汤，味道okay既，蒜蓉包就俾足两块至于主菜我选择咗葡汁鸡焗饭，佢系即叫即焗架，上枱热辣辣个葡汁味道几浓，不错，不过个人认为就多汁得济内里配有青椒红椒，而鸡块数量都算几多嘅最后到餐茶，我拣左热奶茶，佢比足成个茶壶你，可以倒够两杯茶架，而佢仲一次过俾两个茶包，系Lipton 同埋车仔牌，算唔话得架啦整体来讲味道算唔错，试谂下加埋一先至五十几六十蚊，茶餐厅价钱都咁上下啦，而佢座位又舒服，又凉冷气，又有员工服侍你，系几好架啦。