紅茶冰室

营业中

休息中

佐敦食午餐唔系太多选择，红茶系我地比较常帮衬既一间，等位时间短，食物种类多，价钱合理系佢最大既吸引力。今日叫左个常餐猪扒通粉配多士同炒蛋，块猪扒好大块，就咁食完块猪扒其实都已经饱左一半，通粉个汤系好浓郁既猪骨汤，好够味。不过个人觉得块猪扒另上可能会更加好，因为煎完都几油下，浸左系碗粉到搞到Ｄ汤底都油埋。炒蛋有好香既蛋黄味，而且有少少流心，火喉控制得唔错。朋友叫左午市套餐蒜蓉杂扒配薯菜，杂扒系牛＋猪扒，薯菜系焗薯，Ｄ扒好大块，成碟野劲大碟，卖相同味道都唔错，都几惊喜！焗薯都好好食，不过女仔食的话应该会食唔晒。跟餐有餐汤同野饮，咁丰富既午餐连埋野饮先＄５０，仲要唔洗加１。野饮方面叫左系出面比较少见既热杏霜，跟餐唔洗加钱，佢冲得都几杰，睇得出落左好多杏仁粉，饮落同出面Ｄ中式糖水铺卖开既二三十蚊杏仁茶差唔多味，非常推介。