珍意泰國菜館 (已結業)

听讲东大街呢间泰国嘢几好食又抵食，所以星期日下午嚟试下，大概十二点半嚟到唔使等就有位，坐低咗一阵就开始有人喺门口等位，好彩早一步。午市套餐有十六款选择，有饭有粉面拣，由$52起。套餐包埋饮品，特饮例如青柠梳打就要加$10点咗湿炒牛肉片河同香叶辣椒猪扒饭。等咗几分钟湿炒肉片河就上枱，芡汁有好多款蔬菜，份量仲几多，而且唔会太油腻。牛肉片几滑唔韧，河粉比起港式嘅更阔更厚，食落有少少烟韧，最重要系有镬气香叶辣椒猪扒饭嘅猪扒系吉列猪扒，份量都几多，但有汁浸住所以唔太脆。香叶辣椒汁偏甜有辣椒香味，好啱送饭。但一啲都唔辣，可能为咗迁就香港人口味，如果可以拣辣度会更好。午市套餐好抵食，质素唔错而且份量够大，一定食得饱。下次会再帮衬，试下其他菜式。