初見

营业中

休息中

「初见」在荃湾非常有名气，知道旺角开左分店所以专登来一试。店舖地方唔大，不过装修都几有特色，钟意佢部分位置有2层高嘅楼底，木系装潢做主调，配搭绿色植物好有田园风格。午市套餐好多样化而且价钱大众化，有日式咖喱饭、豚骨拉面、剌身寿司、烧物、㶽物，竟然仲有汉堡添！ 我哋就叫左个海鲜丼同一个炒牛肉粒。特选海皇蟹刺身丼 $98啲个海鲜丼饭够晒丰富，有带子、松药蟹肉、吞拿鱼蓉，蟹膏、海胆，咁嘅价钱有咁多刺身真系好抵食👍🏻👍🏻 跟餐仲有碗面豉汤添。铁板炒牛肉粒配炒什菌椰菜 $80初头以为会系铁板上，原来已经炒好用木盘送上，卖相都唔错。牛肉系劲有肉味而且够淋好好味，用来送饭真系一流👍🏻 炒什菌椰菜份量都唔少，食完够晒饱饱。温馨提示：托底嘅牛油纸比较薄，好容易会整烂，一不小心就会连椰菜一齐放埋入口，食嘅时候要注意😅跟餐仲有两杯野饮，冷热饮品都唔洗加钱。不过要注意餐厅系收加一服务费。