大排檔小炒 (金豐商業大廈) (已結業)

虽然我好钟意食西餐，但同朋友食饭我都好钟意叫𩠌share嚟食。大排档小炒嘅晚市好出色，午市套餐一个价钱已经包左一碗汤、一碟小菜、一碗白饭同一杯嘢饮，平均$70就买到单。今日嘅例汤系花生眉豆鸡脚汤，煲得好入味，鸡脚都煲到好林。虾干蒸肉饼嘅肉饼好有质感，唔太肥亦都唔太瘦，我特别喜欢上面嘅虾干，够大只又有咸鲜味，而且肉饼本身调味已经足够，所以都唔使落豉油。黑松露西芹炒虾仁都炒得好食，而且有菜有肉食起上嚟好健康，亦都唔会好似出面啲酒楼咁吵完就加生粉水落去。蜜椒薯仔牛柳粒，甜甜辣辣，薯仔系炸过先攞去炒所以好香口，反而牛肉我就觉得一般一般因为用嘅牛肉比较瘦唔够油香味。响呢度食饭仲可以储印仔，储够12个就免费一餐。