村上居酒屋 (已結業)

出到去旺角行左一轮，又到左食晏昼嘅时间啦，见到有间日本餐厅好似唔错，午市餐价钱合理，而且都几多野食。我叫左个特上寿司定食，所有午市都包沙律，汤，细乌冬，甜品，所以都好够饱。寿司定食嘅款几多，起码有六款以上。海胆都唔错呀，唔会腥，反而几creamy几鲜甜。三文鱼系肥美嘅，唔会有筋，好食。带子几厚切，几鲜味。个乌冬虽然话系细碗，不过其实食落都唔算细，都几大碗嫁。味道都唔错，系我最爱嘅猪骨汤底，上面有啲竹笋好爽口，不错。甜品系雪米糍，不过佢由于佢系连成个定食一齐上，所以要尽快食左佢先得，否则会有少少溶。整体黎讲，成餐饭都系满意嘅。