巧得鍋 (已結業)

虽然呢排天气咁热，但系突然兴起想食冬天必备嘅鸡煲，所以去咗观塘呢间巧得锅，舖头位置隐蔽，唔系咁容易揾到，但系绝对值得一试。前菜有蒜蓉芝麻莲藕，小小麻辣，食落爽口，非常开胃，去到就得不及待叫咗个鸡煲，佢哋午市有鸡煲套餐，晚市就更加特别，有唔同配菜嘅鸡煲，有鲍鱼、牛杂、或者花胶鸡煲。午市套餐有荞麦茶，仲包娃娃菜同两碗白饭，非常抵食。平时食鸡煲就会想快啲食完加汤打边炉，但系呢度就可以focus返喺鸡煲，虽然食法，唔同但系一样咁滋味。鸡煲可以拣辣嘅程度，我哋就拣咗小辣，食得出佢哋有花椒八角，惹味得嚟唔会太刺激。鸡肉都非常嫩口，仲好juicy，配菜加咗红椒黄椒，望落好吸引。我哋叫咗鱼汤浸娃娃菜，可以帮助减低罪恶感，而且菜都好鲜嫩。食到辣辣地，叫咗杯菠萝沙冰同热情果沙冰。菠萝沙冰好香菠萝味，饮落甜甜地。热情果沙冰就比菠萝味酸少少，非常好饮，两杯都解辣一流。