金不換泰國餐廳 (已結業)

平日晏昼去食，超级多人，等左10分钟左右先入得去。三个人叫咗三个set lunch，每个set lunch包一杯嘢饮，另外叫咗甜品：椰汁西米糕。叫咗香草辣椒肉碎煎蛋饭，卖相吸引，辣椒同香草红红绿绿，好多颜色。肉碎炒得好惹味，好送饭，加埋有煎到脆边嘅煎蛋，简直想添饭。烧鳝饭有大旧嘅鳝块，煎蛋同菜铺喺饭面。鳝块烧到香脆，上面淋左酱汁，甜甜地，唔会腥，好好味。虾炒金边粉够镬气，上枱嘅时候热辣辣，好多虾，金边粉够干身，唔会黐埋一旧旧，唔太油又唔会碎湿湿。多配菜，好多芽菜。味道方面，啱啱好唔会太咸太酸。三个set lunch的份量都好多，抵食，平均一个都系$50-$70。椰汁冰同泰国奶茶都正常。椰汁西米糕甜度适中，好新鲜，质感软滑。