牛涮鍋もっと (已結業)

食完牛角食牛涮锅🤣希望今年都可以keep住个金会员😆第一次食乐富呢间牛涮锅，感觉都好ok，虽然唔大，但系好干净，d嘢都摆得好好，大家夹嘅时候唔洗排队，亦唔会有挤逼感，比牛角坐得舒服啲。入去之前就要拣好食乜嘢，同埋2款汤底。唔推荐樱花虾沙嗲，得个咸字，唔好味，反而昆布汤底几好味，肉同菜都夹到。我哋拣咗60分钟嘅定量分题，午市先有嘅，我要咗牛同猪，冇谂到猪好味过牛🤣牛太肥，又冇乜牛味，建议大家都系要拣啲贵少少嘅牛。汤底未上，大家已经出去攞定嘢饮嘢食，因为时间有限。菜有三种，油麦、小白菜同娃娃菜，唔算吸引，我就比较钟意蕃茄、粟米、菇、萝卜，仲有炸芋头，呢个好加分。丸方面选择都好多，不过我惊太饱所以只系试咗少少。个玉子豆腐好特别，有芝士系入面。值得一试。免费区最值得试系鸡软骨滑，细细碗装住，我食咗几碗，食得出骨嘅口感同鸡嘅嫩滑，好味。另外炸鸡翼都好味，炸得啱啱好。最后梗系又系甜品，不过同牛角一样，一碗碗嘅甜品好d hea，有进步空间，不过雪糕ok嘅，话就话系8.0牛乳雪糕，但系牛奶味反而唔系好重😅一餐饭折完人均80，抵到烂。