影片
更多
2021-12-05
1274 浏览
早前等老婆放完学，一齐晌砵兰街一家小店食龙虾车仔面，但趁佢未够钟放学，就晌附近游走吓，偶然睇到呢一间日式烧肉店，见佢啲午餐唔贵，大可揾次过嚟过吓烧肉瘾。所以，造就今日同老友晌附近完咗活动，就嚟到食个烧肉午餐。一室以浅色木系为装修，衬以灰纹地砖，简洁明亮。主要以4人枱为主，二人一炉，亦有少部份高脚枱櫈，间成两人一组。放埋嘢食，枱面空间紧紧够。去洗手间期间，仲发现原来有厢房，可以分两枱，坐到8个人，几好㖞，如果一大棚朋友嚟，有个私人空间，玩得更尽庆。呢度喺以数码方式落单，扫一扫二维码，再自行拣食物、饮品。时下有啲餐厅，连餐牌都悭番，小弟就觉得唔多方便喇，有个餐牌俾大家睇，方便到大家易啲睇到有咩食，唔使得一个人成日碌嚟碌去。午市主要分成两大类，一类喺设定好食材组合（午市套餐），另一类就自由配搭食材组合（自由选配），无论边一类，都有唔同重量供选择，弹性大。不过，前者已埋御饭、和风汤及和式前菜，套餐最平只喺$48，食到最贵都喺$128；但后者则需额外加$22先可以转成为套餐，所以，我哋都拣午市套餐，划算啲嘛。右下角仲有啲饮品选项，可惜喺无啲加配嘅优惠，但定价都算相宜。想奢华啲都无问题，有个极上二
一室以浅色木系为装修，衬以灰纹地砖，简洁明亮。主要以4人枱为主，二人一炉，亦有少部份高脚枱櫈，间成两人一组。放埋嘢食，枱面空间紧紧够。
去洗手间期间，仲发现原来有厢房，可以分两枱，坐到8个人，几好㖞，如果一大棚朋友嚟，有个私人空间，玩得更尽庆。
呢度喺以数码方式落单，扫一扫二维码，再自行拣食物、饮品。时下有啲餐厅，连餐牌都悭番，小弟就觉得唔多方便喇，有个餐牌俾大家睇，方便到大家易啲睇到有咩食，唔使得一个人成日碌嚟碌去。
午市主要分成两大类，一类喺设定好食材组合（午市套餐），另一类就自由配搭食材组合（自由选配），无论边一类，都有唔同重量供选择，弹性大。不过，前者已埋御饭、和风汤及和式前菜，套餐最平只喺$48，食到最贵都喺$128；但后者则需额外加$22先可以转成为套餐，所以，我哋都拣午市套餐，划算啲嘛。右下角仲有啲饮品选项，可惜喺无啲加配嘅优惠，但定价都算相宜。
想奢华啲都无问题，有个极上二人盛盒，以及和牛套餐，总之，丰俭由人，平有平食，贵有贵食。
枱上已放好餐具、钢夹，而烤炉采下抽式，加上餐厅都喺新开，食完成餐饭，一身都无乜油烟味。
此外，枱上仲放有两款烧肉汁，以及即磨嘅岩盐同黑椒粒，用上即磨货色，算喺够晒诚意。啲烧肉汁就用嚟食啲牛五花、猪五花、鸡腿肉，惹味啲，而岩盐同黑椒就用嚟食牛小排、牛板键，咁样先食出啲牛嘅原味。
巨峰乳酸梳打 $18 一个打边炉，一个日式或韩式烧肉，点可以唔嗌定杯冻饮。老友就拣梳打，有汽饮落够爽，佢话咩味都无所谓，不过，有乳酸就更加爽，加上咁大杯，够饮到尾。
白桃四季春 $15小弟都喺拣冻饮，不过，就要支冷泡四季春，心态谂住烧肉实会食好多肉，所以，消消滞。其实，你睇落去都喺以一个茶包冲泡，有别啲台式水果茶，四季春味道都好清香，之不过白桃味就欠奉，唔喺太觉得啫。
C. 牛五花 & 猪五花 & 鸡腿肉（150g）$62 8款套餐，计落呢一款性价比高，一来可以一次过试到3款肉，二来份量足都喺卖六十零蚊。捧到出嚟，啲肉睇落都几新鲜，肉色有光泽，咪睇佢好似得少少，其实连埋啲饭、汤品，一般人而言都好够饱。
牛五花 & 猪五花 & 鸡腿肉（150g）
$62
9 浏览
0 赞好
0 留言
咪以为喺普通白饭，餐牌都己写明喺采用日本富山– 天盛米，真喺诚意十足，饭粒松软而带点点黏糯，有饭味，夸张啲讲。捞豉油都好食呀。
罗宋汤餐牌标明喺和风汤，所以，一心都喺谂住会喺面豉汤，出嚟竟然喺西式嘅罗宋汤。实际上，味道都算唔错，酸香浓郁，晌食啲烧肉前，开开胃。
和式前菜店员话前菜会日日不同，而今次喺啲中华沙律，即喺天然海草再加少少粟米粒，洒啲芝麻。与其话前菜，小弟就当伴菜，伴住啲烧肉同饭嚟食，感觉可以减低少少「热气」感。
牛五花卒之试试啲烧肉喇，先试啲牛五花，算小弟见识少，成日以为得猪先有五花腩，原来牛都有，睇起嚟真喺半肥瘦，由于薄切，唔需要烧太耐，入口肉香、油脂兼备，真喺几好食。
猪五花有别牛五花，猪五花就肥瘦相间，虽然喺猪肉，理应要烧熟啲，不过，由于都喺薄切，烧都转晒色都觉得OK。但猛光烧过后，逼出油脂，入口又唔觉话好肥㖞，但油香感爆棚 。
鸡腿肉鸡腿肉喺厚身一件件，所以要烧耐啲，亦避免烧到外面熟而中间又未熟，建议焫一焫完表面，放晌侧边半煨烧。由于用上腿肉，比预计嫩滑，再沾一沾啲烧肉汁，非常惹味。
F. 美国牛小排 & 牛板键（100g）$88 老友主力想食牛，所以，佢就拣牛小排搭牛板键呢个组合。唔知喺咪店家怕客人分唔到边啲喺牛小排，边啲喺牛板键，所以，特意放个小牌晌牛小排𠮶边。啲肉睇落真喺几靓，红得嚟好鲜艳，唔会暗暗哑哑、瘀瘀黑黑。虽然比C餐嘅重量少，只有100g，但切出嚟睇落都OK㖞。
美国牛小排 & 牛板键（100g）
$88
16 浏览
0 赞好
0 留言
两款肉都喺薄切，加上喺牛，所以，两边焫两焫就食得，为咗食出原味，所以，就唔沾酱汁，只洒少少盐花同黑椒作调味。牛小排果然高质，肉香而带微微油脂，口感油润软腍。
牛板腱至于啲牛板腱，油花分布平均，色泽又靓，食落既食出肉嘅原味，又充满油香而不过火，细嚼肉质嘅纤维真喺有种入口即化嘅感觉，质感好细致。
食日式烧肉一向都算喺稍稍高消费项目，不过，嚟到呢度食个午餐，又可以过吓烧肉瘾，但又唔贵㖞，想尽庆多啲，又唔介意俾多少少钱嘅话，可以拣大份量嘅又得，所以，见午市都真喺几多客人。
张贴
