Plato Cafe & Bistro (吳松街)

佐敦餐厅众多，最近仲有吾少新餐厅。贪新鲜既同事推介呢间新开张左几个月既餐厅，话系门口见到lunch menu包餐汤、蒜蓉法包、主食同餐饮，都系$48至$128。大家见几抵食，所以决定试试。呢度都几近九龙公园，系近九龙公园体育馆出口行5 min就到。好采我地偷🐥早少少出黎，吾洗等位，可直入。餐厅装修简约新净，感觉优闲。午饭套餐有10个选择，全部都包餐汤、蒜蓉法包、主菜同餐饮，仲有得加钱配甜品。我拣左8号餐：香煎比目鱼(蒜蓉牛油汁、薯条)先黎既系餐汤同蒜蓉法包。蒜蓉法包有惊喜，十分脆口，暖暖既，好想食多块。餐汤饮得出吾系罐头汤，d萝卜蕃茄洋葱吾会煮到淋哂，可以食埋。香煎比目鱼卖相有心思，用西兰花垫住块鱼，望落整齐d同可以避免整淋d薯条。比目鱼两面煎香，中间肉质保持鲜嫩。薯条炸到好酥脆，无得输。最后叹番杯茶，醒神下。姜茶茶包，加片柠檬，吾落糖都吾会话好寡咁。同事果杯西班牙咖啡好似甜品咁，有球雪糕系上面。佢赞旧雪糕同咖啡好夹，中和左咖啡既苦涩味同提升左细腻度。门口有下午茶套餐menu，四十几蚊起。