California Pizza Kitchen (屯門市廣場1期)

营业中

休息中

最近试咗一间性价比高嘅餐厅，提供多款抵食午餐，最平只需$58就有主食同饮品，真系好抵食。西西里风味薄饼🍕$76，饼底酥脆，配料丰富，有意大利香草同ham，芝士溶化得刚刚好，每一口都充满地中海风味。加州特色鸡肉卷饼配脆香薯条🫔🍟$72，鸡肉嫩滑，搭配新鲜蔬菜同香浓酱汁，味道层次丰富。薯条香脆😋以优惠价$20加咗个小食：迷你蕃茄罗勒螺丝粉🍝。螺丝粉吸收咗罗勒酱嘅香气，配上迷你蕃茄，抵食。饮品我哋试咗「海盗」🍹，苹果、菠萝、芒果汁同士多啤梨蓉嘅组合，带来清新果香。而蜜桃冰茶茶味香甜🍑。呢间餐厅提供多款抵食午餐选择，无论系薄饼定卷饼都有质素，饮品亦多样化，性价比非常高👍🏻