大門食堂 (德福廣場) (已結業)

今日晏就去左食吉列猪扒定食$48,野菜炒豚肉定食$45,玉子烧$38，定食有饭，味噌汤同豆腐，呢个价钱黎讲，真系好抵，好饱肚。首先讲下个吉列猪扒，一啲都唔脆，好淋身，加左柠檬汁后更淋，午市忙，都难怪整定既~另外个野菜炒豚肉就唔错，野菜好够味，啲豚肉又唔会鞋，加埋黑椒汁既味，十分野味，好食。至于个玉子烧呢，无咩甜味，只有蛋味，完全唔日式，失望左少少，但好在有个萝卜泥，加番少少分，配埋萝卜泥食，成件事唔同晒。