茶木‧台式休閒餐廳 (已結業)

平日难得阿妈放假，紧系同佢食个丰富既lunch，茶木既lunch set要平日先有，星期六日得散叫，机会难得紧系要食下。我地一人叫左一个set。午市自选套餐$66-前菜包括3样，芽菜、卤蛋、卤鸡肾。芽菜爽口，卤蛋够入味，鸡肾好好食，卤得够入味之余仲有咬口。主食要左酱烧汁沙朗(牛)，牛肉好嫩，有啲黑椒味，仲比足3大块几足料，有淹萝卜做配菜。另外可以拣红烧牛肉手作面、肉燥饭或者新竹米粉。我要左牛肉面，仲有块牛𦟌手作面有啲似刀削面口感，我几钟意，汤底够浓面弹牙，真系唔错。同样系自选套餐，阿妈超钟意食茶木既炸排骨，见到有二话不说要左黄金酥炸排骨。的确炸得好酥脆，排骨唔韧，但感觉咸左少少。整体嚟讲都唔错，简唔中都可以食一餐。平时夜晚都见好多人排队，但平日午餐会少啲人。