尚品小廚

营业中

休息中

午饭时间，间间食肆都好多人，呢日本身谂住食另一间茶餐厅嘅，点知多人到等咗15分钟前面都仲有4,5张枱，就决定离场再睇下附近有咩食，点知见到尚品，呢间茶餐厅我地从来冇食过，睇过门外餐牌几啱食，价钱又抵！仲要店员话等一张枱就得，我地即管试下。点餐前望下隔离左右食紧咩先，见碗清汤萝卜牛腩41蚊咁大碗，我都即刻决定叫。⭐️清汤萝卜牛腩饭 HKD$41清汤清甜，白萝卜煮得够腍，无渣，最估唔到系牛腩份量都唔少，肉质松化，入味。⭐️干炒黑椒牛柳丝意粉 HKD$41意粉上色均匀，炒得干身有镬气，黑椒味浓，牛柳丝腍身，同事觉得略嫌偏咸，但我觉得味道啱啱好。⭐️例汤午餐仲有例汤送。⭐️冻奶茶 味道一般，太多奶，茶味不足。📝就算午市时段忙到七彩，店员姐姐依然轻松，同客人有讲有笑，手脚亦都好快。不过餐具唔太干净，食前记得先自行清洁一下。