牛知己 (已結業)

世宙楼下开左好多食肆，牛知己个位最当眼吸晴，门面好大装修好阔落，卡位设计啱哂港人口味，保留私人空间又可以倾计，坐得舒服先食得更开心。午市有好多套餐选择，价钱实惠，尤其人参鸡汤都系128二人份好抵食由于妈妈钟意食肉，所以拣左马铃薯排骨汤配饭（$70）热辣辣送上，胃口大增，最估唔到系份量超大，排骨劲大嚿肉，兼有3大嚿，仲超稔，好入味，薯仔大嚿又谂索哂味，仲有一大札金菇菜。济洲牛丸雪浓汤配饭（$63）超白嘅雪浓汤见到都想饮左先，清甜美味，萝卜超大块又稔，牛丸爽口弹牙除左牛丸佢仲有肥牛肉，份量绝对足够一个男人食，抵食。好好呢度食午餐仲送任饮任食，饮品方面好多选择，咖啡都有，味道唔错，连韩国啤酒都有，仲有韩式焗烤甜薯，细细粒味。甜品方面仲有软雪糕同乳酪雪糕，配料自选好玩又好味。