金滿象正宗泰國菜 (已結業)

好少会落太子食lunch，原来太子呢边花园街有好多食肆，同个同事行咗阵，有潮州菜、越南菜、泰国菜、台湾菜、西餐、茶餐厅、糖水......，结果决定呢间泰国餐厅。因为早唔使等位，店内位置唔算多，格局有啲似茶餐厅，午餐时段有套餐，算抵食。叫咗两个餐，加$12有特饮。泰式湿炒猪肉河，呢度嘅河粉好得意，好大块，唔系一条条，个汁好好味，炒得好香，猪肉入味够淋，仲有好多蔬菜。海南鸡饭，配香口油饭，有碗冬瓜粒汤， 海南鸡好滑，除咗鸡之外有几块猪红。特饮系青柠七喜同青柠乐，酸酸地好适合呢个天气，消暑解渴。