Beerliner German Bar & Restaurant (已結業)

之前见到佢个午餐餐牌几抵食 ，最平88元包餐汤、前菜 、主菜、甜品、饮品。 今日终于等到黎食佢啦。炸鱼藜麦沙律前菜系炸鱼藜麦沙律。 炸鱼新鲜， 藜麦沙律调味几好，唔错㖞。龙虾汤味道嚟讲冇咩问题嘅 ，偏向似罗宋汤，不过加咗啲龙虾汤嘅味道。好可惜个汤唔够滑身， 似系煲好既罗宋汤再打碎 ，但系打得唔够滑， 令到个汤好多渣，有点'浊'喉。牛面颊意粉好大份，一般OL应该冇可能食得晒吧😅味道方面 ，够热， 多汁 。个人认为好味嘅 ，但系牛面颊嘅肉质得好奇怪 ，太软淋，淋到似猪润嘅口感。意大利雪糕榛子味嘅雪糕 ，个人认为可以，冇特别。不过午餐包埋甜品，真系赞赞赞!