兄弟工房 (已結業)

兄弟工房真系抵食呀！同朋友去食个late lunch，都仲有扒可以叫，正呀！我叫左个牛扒配薯菜。先黎一个餐汤，系蕃茄汤呀，好浓郁，好茄呀！酸酸嘅蕃茄好醒胃，令我更加期待个牛扒。牛扒黎喇！好大块呀！有成个手掌咁大呀！仲好厚添㖞。个牛扒好juicy，因为有厚度，都几有口感架。我喜欢无筋嘅扒，啖啖肉，系正嘅！除左有件大份又juicy嘅扒之外，仲有好足够嘅蔬菜，热辣辣嘅薯角，真系好丰富架！食完成个餐真系好满足。