影片
更多
2020-10-14
329 浏览
闲日1pm左右经过，见唔驶等位，午餐价钱又相宜，于是就初次帮衬。原本想叫嘅三文鱼腩饭已经卖哂，于是改叫杂锦鱼生饭（已经系最后一客）。午餐跟一碗面豉汤，汤入面有几只蚬肉，相当有诚意。鱼生饭上桌，比预计的丰盛，有牡丹虾、三文鱼、北寄贝、吞拿鱼蓉、鸡蛋烧、芥末八爪鱼、鱿鱼、蟹柳。牡丹虾够大只够甜美，三文鱼又肥又厚，芥末八爪鱼虽然唔系咩贵价嘢，但系我不嬲都钟意食，鸡蛋烧颇有惊喜，有一种微焦嘅味道。若要吹毛求疵，就系我个人向来唔钟意食假蟹柳，唔知下次可唔可以走蟹柳换多片蛋呢？整体分量几够，男士应该都够饱。环境系街坊小店，算干净企理，服务唔错。埋单$70唔驶加一，性价比高。
原本想叫嘅三文鱼腩饭已经卖哂，于是改叫杂锦鱼生饭（已经系最后一客）。
午餐跟一碗面豉汤，汤入面有几只蚬肉，相当有诚意。
鱼生饭上桌，比预计的丰盛，有牡丹虾、三文鱼、北寄贝、吞拿鱼蓉、鸡蛋烧、芥末八爪鱼、鱿鱼、蟹柳。
牡丹虾够大只够甜美，三文鱼又肥又厚，芥末八爪鱼虽然唔系咩贵价嘢，但系我不嬲都钟意食，鸡蛋烧颇有惊喜，有一种微焦嘅味道。
若要吹毛求疵，就系我个人向来唔钟意食假蟹柳，唔知下次可唔可以走蟹柳换多片蛋呢？
整体分量几够，男士应该都够饱。环境系街坊小店，算干净企理，服务唔错。埋单$70唔驶加一，性价比高。
$70
11 浏览
0 赞好
0 留言
张贴
