大門橫丁 (厚福街)

营业中

休息中

经过好多次厚福街都见到呢一间舖，终于揾咗一日黎试。Lunch去食嘅时候次次都会话串烧丼饭要等超过半个钟，第一次去食嘅时候惊唔够时间冇拣，但系见到隔离枱好快就上咗根本唔需要半个钟，所以第二次嚟食就照嗌左串烧丼饭。$59可以有四吋串烧再加半熟玉子仲有嘢饮添。串烧嘅选择非常之多，主要有盐烧、辛辣、汁烧、韩式酱四只味，最后拣咗鸡肉、鸡骨丸、芦笋同埋肥牛包蒜芯，大份夹抵食。