火五越式牛肉粉專門店 (清風街) (已結業)

近排都落大雨，去翻屋企附近买外卖医肚，见有间越南餐厅都几抵食。 香茅猪颈肉捞檬劲大碗，大碗到我明明好肚饿都食唔哂，檬粉爽口弹牙。猪颈肉好咬，调味又足。青瓜新鲜。自己整嘅汁咸酸岩岩好，唔怕落多左会怪。非常好食！ 越式式炸春卷本身以为系网卷，原来系好似脆虾棒嘅款式，入面馅料味道保留越式风味。馅料都好足料，调味都好够。 香茅鸡翼非常香脆可口，调味足够，加左葱油同干葱令到味道层次丰富了，更加惹味。 香茅美国黑毛猪扒果然系黑毛猪，肉质好林，味道好重。两件都好大块，四个人食都足够份量。 日本芝士年糕口感好烟韧，每一口都好有弹性好软糯🥰，入面芝士馅料都好多，烟韧控必食之选😋