魚鈁 (汝州街) (已結業)

鱼钫同系嘅鱼锅小甜甜旧年食过，佢嘅辣锅真心唔错，今次晏昼嚟到深水埗店，就试下佢个午餐。我拣咗重庆鸡饭，送热饮同老火汤 $55 仲唔使加一，好抵食。先嚟碗青红萝卜老火汤，好足料，好清甜。食物上枱，碟𩠌份量非常多，相对碗饭就细咗少少。碟𩠌其实就系重庆鸡煲嘅配料，主要有鸡，豆卜同菇类，所有食材用洋葱，辣椒，大葱，姜，八角等爆香，非常惹味，𩠌饭一流。不过由于实在太浓味，差唔多食哂碗饭，碟𩠌仲剩唔少，唔想嘥嘢，于是一啖𩠌一啖芫茜，藉著后者中和一下重口味。下次我谂要叫多饭😁。