好景食堂

营业中

休息中

工厂区里面嘅一间餐厅，虽然冇华丽嘅装修，只有最普通嘅茶餐厅装横，但系食物质素有惊喜，价钱亦都相当抵食，员工服务更加有人情味。招牌口水鸡髀饭鸡髀肉十分之大只，肉质够淋够嫩滑，一啲都唔柴，麻辣未够重，亦有足够嘅香蒜同芫茜，够晒惹味可口，令人食上瘾。益力多杂果蜂蜜饮品其实都几特别，有各种创意嘅特色饮品，跟餐送，完全唔使加钱。我呢杯杂果蜂蜜够晒甜，主要系益力多嘅味道，净系饮落都唔错。有机会想再试下其他特色饮品。喳咋糖水都系随餐附送嘅，佢真系好足料，亦都加咗一只蛋，甜度适中，食哂佢啲嘢真系饱到上心口。叻外会送上是日靓汤，一个餐包咁多嘢食，大约$50一个午餐，唔怪得佢个场爆满，相信回头率应该会好高。