Monster Sushi (已結業)

夜晚差唔多9点，喺I Square睇完戏谂住揾野食，见到monster sushi 下午5点半就开始半价时段，呢个时候唔使排队，就入去食，刺身寿司饮品有半价。其实之前成日食某间黑夜寿司，自从果间提早咗半价时段之后，食物质素差咗好多，所以都冇再食果间。即管睇下5点半就开始半价时段嘅monster sushi啲野食有冇走样。刺身寿司都算新鲜，唔系薄it it 一块肉加饭，系正常size，帆立贝呀，鱼呀，虾呀都好鲜甜，贝类都好爽口，唔会腥。最欣赏佢个海胆寿司，系足料嘅，我都忍唔住要encore。小食全部都热辣辣，几好食，最钟意食炸鸡软骨，又热又脆，点埋个汁好正，叫咗杯Cocktail饮，送酒一流，杯Cocktail仲几好饮，唔会药水味，$20几蚊杯又几抵饮。