阿明印尼餐廳 (已結業)

做facial时同美容师讲夜晚会去深水埗买野，佢就推介我食依间印尼餐厅喇！我同朋友大约8:15去到，要等一阵先有位。餐厅食物定价唔高，所以都有唔少捧场客。今晚叫咗:::::手打捞面巴东牛肉饭虾酱炒通菜手打捞面 $35捞面嘅质地似云吞面嘅面，属于爽口嘅一类，不过无"枧"味，几好食。配菜方面有鱼蛋、猪皮、叉烧、炆猪肉等等，款式多但无咩特别。巴东牛肉饭 $45饭量好多，而且好够热，不过巴东牛肉嘅酱汁就比较冻咗少少，幸好牛肉都算嫩滑，一啲都唔靭。配菜嘅青瓜酸酸哋几开胃。虾酱炒通菜 $40依碟一放上枱就闻到超香，炒得好有镬气，味道适中又热辣辣，两个人份量啱啱好。两个平均60蚊，好抵食