Rang Mahal Authentic Indian Cuisine (已結業)

中环有好多特色食肆，估唔到隐藏左一间又地道，又抵食嘅印度餐厅。喺中环北京同仁堂转弯就会见到间印度餐厅。地点真系好方便。一入到去见到餐厅嘅布置，已经觉得置身喺印度，而且仲有一位好有礼貌嘅人招呼我哋。菜式有好多选择。有柠檬茶任饮，柠檬茶唔系太甜，既清新又开胃。首先系头盘，有沙律同烤饼，烤饼又薄又脆仲好香胡椒味添。食印度菜梗系唔少得咖喱，首先以蔬菜为主，有薯仔、豆同豆角，豆角煮得好林好好味，薯仔索晒啲咖喱汁好好味。之后都有肉类嘅咖喱，炸鱼一定要食，炸得好脆，仲细细旧可以一啖一旧添，咖喱有牛同咖喱鸡，所有肉类都煮得好林好有咖喱味，所有咖喱都唔系好辣。仲有啲特色食物。有炒饭同埋印度薄饼可以配咖喱食，炒饭啲米好烟韧好有咬口，印度薄饼都有两种选择，原味同蒜味，蒜味好香口。最后梗系要食返个甜品啦，有个甜汤圆同糖水，个甜汤圆好特别。整体食物都唔错，每位都系＄88位(需加一)。