影片
更多
2021-01-19
1207 浏览
之前上网买左啲野，今日要去荔枝角交收。我见之前好多人介绍呢间关东煮店，我又好耐未试过喺香港食过好食嘅关东煮，于是就去买啦，买完拎返屋企当lunch食。厨师发办 $55呢个餐系包4个关东煮小食、一碗十五谷饭同埋送炸鸡柳两件嘅。咁话明系厨师发办，我当然就无得拣食边个𩠌嘅，直至返到屋企打开个盒先知入面有咩𩠌嘅。呢个感觉好得意，亦都系其中一个我想试呢间店嘅原因。炸鸡柳呢个系即叫即炸嘅，所以我一拎到手已经闻到好香，一路行都一路闻到好香。啲鸡柳都炸得几好食，调味好，有鸡味。十五谷饭红米饭同糙米饭就食得多啦，十五谷饭就第一次见，听落好健康。食落都食到好多唔同种类嘅米粒，有好多唔同口感，几正，我几钟意。更正嘅系佢上面有萝卜丝同埋鱿鱼丝做配菜，啲配菜有麻香味，好食。关东煮呢个真系主角啦，以为真系得四款𩠌，点知原来每款𩠌都有少少，加加埋埋都有唔少𩠌。我食到有白萝卜、北海道黄色薯仔、日本黑魔芋、鸡蛋、年糕福袋、豆腐同埋墨鱼丸。每样材料都煮得好入味，特别系年糕福袋真系一咬落去就包关东煮嘅汁。不过最惊喜嘅都系北海道黄色薯仔，本身以为系一个普通嘅薯仔，点知一咬落去超甜，甜到好似番薯咁，但有好有薯仔嘅香味，呢个北海
厨师发办 $55
呢个餐系包4个关东煮小食、一碗十五谷饭同埋送炸鸡柳两件嘅。咁话明系厨师发办，我当然就无得拣食边个𩠌嘅，直至返到屋企打开个盒先知入面有咩𩠌嘅。呢个感觉好得意，亦都系其中一个我想试呢间店嘅原因。
炸鸡柳
呢个系即叫即炸嘅，所以我一拎到手已经闻到好香，一路行都一路闻到好香。啲鸡柳都炸得几好食，调味好，有鸡味。
十五谷饭
红米饭同糙米饭就食得多啦，十五谷饭就第一次见，听落好健康。食落都食到好多唔同种类嘅米粒，有好多唔同口感，几正，我几钟意。更正嘅系佢上面有萝卜丝同埋鱿鱼丝做配菜，啲配菜有麻香味，好食。
关东煮
呢个真系主角啦，以为真系得四款𩠌，点知原来每款𩠌都有少少，加加埋埋都有唔少𩠌。我食到有白萝卜、北海道黄色薯仔、日本黑魔芋、鸡蛋、年糕福袋、豆腐同埋墨鱼丸。每样材料都煮得好入味，特别系年糕福袋真系一咬落去就包关东煮嘅汁。不过最惊喜嘅都系北海道黄色薯仔，本身以为系一个普通嘅薯仔，点知一咬落去超甜，甜到好似番薯咁，但有好有薯仔嘅香味，呢个北海道黄色薯仔真系好正，我都系第一次食呢种薯仔。
芥末酱
仲有送一个特制嘅芥末酱，都几香几好食。
望落都唔知原来会食到咁饱，点知真系食到劲饱。有咁多材料真系几抵食。有机会都会再嚟买。
张贴
