泰角海南雞 (已結業)

今日完成咗件重要嘅事，当然要贺一贺佢啦！落到旺角，老公话想食泰国野(可能系因为有排都无得去所以挂住挂🙈)，经过女人街，见到门口有五只鸡，就估到呢度主要系食鸡饭，再睇清楚啲，原来系食泰国菜嘅，咁就啱晒喇！我地坐低后叫咗个二人餐，有青木瓜沙律，串烧拼盘，海南鸡饭，冬阴公汤面同油菜，加6蚊仲可以拣泰式特饮，老公仲叫多但生菜包添海南鸡饭嘅鸡都算滑，饭又唔系好油，啱晒我食，老公嘅冬阴公汤面都几入味，酸辣度适中，青木瓜沙律虽然只系小辣，不过都够辣，仲好有泰国风味生菜包我地叫咗中辣，虽然猪肉系咸咗少少，但系食得出用咗好多香料嚟炒，仲食到有咸鱼味，同其他舖头食嘅好唔同，可以一试