泰 (瓊華中心)

营业中

休息中

琼华中心出名多美食，同男友放工有时会去呢到揾食，见到泰 thaiology 餐牌唔贵， 环境装修好阔落舒适禁，所以同男友就入去试。食泰国菜点小得生菜包， 肉碎嘅份量几多，入面有好多切碎咗嘅肥猪肉同埋香料，食落酸酸辣辣，几香口，唔错。炭烧大头虾🦐， 上枱哗一声，超大只，仲要爆哂膏， 食落结实爽弹，非常鲜甜。 生虾刺身，份量多， 有成10只，仲要系大大只，爽甜美味，加一粒小蒜，点小小泰式酸辣汁，立即将鲜味提升。咖哩炒软壳蟹一上台，咖哩多到掩没左d软壳蟹😝睇见都流哂口水。软壳蟹份量意想唔到禁多，起码有成7-8只，2人食劲full🙈,软壳蟹外脆内嫩，好厚肉。吸收左咖哩汁好JUICY咖哩味道偏咸，建议加埋饭或者薄饼食最好，吸引哂所有精华。