升哥點心 (已結業)

好耐冇食过点心，今晚心血来潮同朋友2个人去左元朗几出名既升哥点心，试一试佢！ 间店好细间，大概坐20人左右就好满，咁岩去到有2个位，唔洗等位就有得食啦。我地点左每位香港人都必点既虾饺烧卖，同流沙包，仲有黄金糕等等。我个人非常推荐流沙包，个包有表情劲可爱，一打开啲奶黄系爆出黎，热辣辣超好味。另外，我地仲试左二款特色点心，别有洞天脆皮肠，佢个样完全打破左我对肠粉既印象，入面包左肉，同一层脆皮，咬落去口感好丰富。最后就系和风千岛酱薄饼，其实系有啲似日本嘅大阪烧，入面有粟米蟹柳，面头满满既千岛酱好邪恶啊！