影片
更多
2018-07-14
277 浏览
呵呵....今日跟朋友又来我熟悉的观塘区揾食, 今次唔系食西餐, 系食海鲜餐, 以后食海鲜唔使去到老咁远嘅鲤鱼门及西贡了。估唔到平日观塘区嘅中式酒楼晚市都有咁多食客帮衬, 呢间囍云天地理位置较为输蚀, 我喺观塘地铁站急步行过来大概八~十分钟, 可能因为位置输蚀, 酒楼以平、靓、正海鲜餐吸引食客。餐牌十居其九都系海鲜, 外于今日又系两条友撑枱脚, 散叫大大碟唔叫得几多样野, 扫完一轮餐牌.最终都系食二人海鲜餐 ~ 八道鲜味（$438 /2人, 免茶免加一）有饮品, 有鲍鱼, 有虾, 有埋龙虾食, 仲全免, 埋单只需$438, 睇价钱及海鲜, 坚抵！至于质素如何? 试完话你知！椰青水 （套餐奉送）套餐包椰青水或橙汁或生力啤, 我哋拣咗椰青水, 入口颇清甜, 仲有粒粒椰子肉俾你咬下。矿泉水灼鲜鲍鱼估唔到$438 套餐嘅鲍鱼都有咁大只。火候仲控制得恰到好处, 鲍鱼刚刚熟, 爽口弹牙, 拈少许芥末豉油食, 鲜味更出红烧皇子乳鸽每位半只, bb乳鸽炸得皮脆肉嫩, 肉汁丰富, 乳鸽炸前已用卤水汁浸至入味, 够香口。劲蒜蒸贵妃蚌贵妃蚌爽甜, 蒜蓉下得狠 , 非常惹味, 口臭都抵!白灼九节虾九节虾颇大只
估唔到平日观塘区嘅中式酒楼晚市都有咁多食客帮衬, 呢间囍云天地理位置较为输蚀, 我喺观塘地铁站急步行过来大概八~十分钟, 可能因为位置输蚀, 酒楼以平、靓、正海鲜餐吸引食客。
餐牌十居其九都系海鲜, 外于今日又系两条友撑枱脚, 散叫大大碟唔叫得几多样野, 扫完一轮餐牌.
最终都系食二人海鲜餐 ~ 八道鲜味（$438 /2人, 免茶免加一）
有饮品, 有鲍鱼, 有虾, 有埋龙虾食, 仲全免, 埋单只需$438, 睇价钱及海鲜, 坚抵！至于质素如何? 试完话你知！
椰青水 （套餐奉送）
套餐包椰青水或橙汁或生力啤, 我哋拣咗椰青水, 入口颇清甜, 仲有粒粒椰子肉俾你咬下。
矿泉水灼鲜鲍鱼
估唔到$438 套餐嘅鲍鱼都有咁大只。
火候仲控制得恰到好处, 鲍鱼刚刚熟, 爽口弹牙, 拈少许芥末豉油食, 鲜味更出
红烧皇子乳鸽
每位半只, bb乳鸽炸得皮脆肉嫩, 肉汁丰富, 乳鸽炸前已用卤水汁浸至入味, 够香口。
劲蒜蒸贵妃蚌
贵妃蚌爽甜, 蒜蓉下得狠 , 非常惹味, 口臭都抵!
白灼九节虾
九节虾颇大只, 颜色艳丽, 看似很新鲜。
果然系新鲜货, 九节虾煮得刚刚熟, 虾肉结实, 鲜甜爽口, 若然你想更惹味的话, 可以拈少许芥未豉油伴食, 至于我呢......当然净食其原始的海鲜鲜甜
上汤花甲配粉丝
花甲加上大量香芹、椒丝、畺丝及冬菜, 花甲汤咸、鲜、甜共冶一炉, 冬菜及香芹仲好鬼脆口添, 粉丝其实系呢个花甲汤嘅主菜, 吸晒花甲汤嘅咸鲜。
清蒸游水海上鲜 ~ 仓鱼
仓鱼我通常煎嚟食, 未试过蒸, 蒸仓鱼我总系觉得会腥, 呢度嘅蒸仓鱼用上大量葱丝, 淋上熟油及豉油, 亦可能系用游水货, 入口完全不带腥气, 估唔到仓鱼都可以蒸得咁滑, 鱼肉肉质一梳梳, 结实多汁且肥美, 那个蒸鱼豉油咸甜适中, 应记一功！
上汤龙虾伊面
龙虾手掌般大, 每人半只。
食龙虾落口感似用新鲜货, 虾肉既爽弹又味鲜, 一啲都唔似雪藏货, 净系呢个上汤焗龙虾及鲍鱼已经值回票价, 上汤伊面调味也适中, 食到呢度我跟朋友都觉得呢间食店喺调味方便做得适中, 够味但唔会太浓咸, 啱我呢啲最怕劲落味精既食客。
金银蛋菜苗
食到呢度....其实我地已经好饱, 食埋啲菜帮助消化吧!
椰汁糕 （套餐奉送）
真系大方得体, 每人奉送两件大大件的椰汁糕, 有椰子微香, 冰冻微甜, 食埋呢2件椰汁糕, 饱到反艇。
今餐结论 : 今餐每人$219 的饱到反艇海鲜餐, 海鲜新鲜, 火候控制得好, 调味适中, 超级超值之选。
题外话/补充资料：
味道 : 4.5星
(以上食记乃用户个人意见 , 并不代表OpenRice之观点。)
张贴
