2024-03-15
378 浏览
呢间餐厅之前食过午餐都好食,今晚同朋友再访,佢晚市套餐,每日都唔同,价钱都唔贵。我地拣咗杂锦喇沙掺掺,好多配料,有鱼蛋,泰式猪肉丸,牛肉丸,扎肉,白萝卜同鸭血芽菜等等,喇沙汤底超岩口味,香浓惹味够开胃,掺掺有油面同米粉,吸左汤汁够晒入味,好食!套餐配咗个前菜,有小虾饼,热辣辣炸起外脆内QQ,入面嘅虾肉够晒弹牙!仲叫咗沙嗲鸡串烧,鸡肉烧得非常之嫩滑,外皮少少焦香,而且沙嗲酱汁亦都好浓郁,粒粒花生又够香,一客6串都唔够喉。朋友点嘅海南鸡饭,鸡好滑溜,同埋鸡香味浓郁,鸡肉嫩滑食落唔会觉得韧同鞋,配埋鸡油饭同泰式酱汁,真系正宗又好味道!
张贴