逸亭餐廳 (已結業)

一直听朋友讲话利景酒店逸亭餐厅D食物水准唔错，一直都想试吓，咁啱今个星期六约咗班朋友聚旧，早几日就上Openrice睇下啦！哗！有6折优惠券㖞，食评又唔错，咪即刻Book定台啦！到咗星期六，12:15到达，基本自助餐应有D食物佢都有，首先我就黎个沙律先，D蔬菜好新鲜，之后就试下D鱼生啦，三文鱼同吞拿，Wow～好肥美。再嚟就试下冷盘，有翡翠螺、蛏子、蚬等，食落清甜无沙，又唔错㖞！到食热盘啦，烤鸡我又怕热气，见到有蒸鱼就试下啦！蒸得啱啱好，好滑～咁啱有个高大嘅大厨行过嚟，佢介绍我尝试下个肉骨茶，咦！又几特别㖞，就要了一碗试试，好有味道，唔多味精～正，冇介绍错！！食食吓想食D饱肚野啦！见到有面同海南鸡饭，梗系要每样试D啦，我要咗甘荀面同芝麻面，整好之后有2款汤底俾我自己拣，我钟意辣就梗系要辣汤(喇沙汤)，Wow～好浓味。到食海南饭饮啦，D鸡去哂骨，啖啖肉，我钟意～太饱啦！要扫甜品啦，首选梗系要食雪糕啦！有4款口味拣，配料有好多款，啱哂我。总括嚟讲，食物水准都唔错，而服务方面，待应收碟速度都算快，有礼貌，成日见到有一个高大的大厨周围睇食物情况虽唔虽要refill, 又会见佢帮公公婆婆取食物，好