影片
更多
2015-08-10
956 浏览
晚饭时间去咗油塘大本营间 euro gogo 食嘢，对上一次食喺荃湾，印象几好。我哋6个人，4大2小，仲有一个baby，等咗10分8分钟就有位。叫咗4个意粉/面。1个pizza，1个甜品，1个小食。卡邦尼意粉几好，不过味道稍浓。菠菜汁龙脷柳阔条面呢个都唔错。朋友叫果两个冇影到相，但我试咗其中一个叫香草意粉嘅，唔错呀！有啲人话冇乜味？我唔觉㖞！几好味丫！蜜糖鸡翼唔想俾阿仔食太多鸡翼，mm....怕有激素，所以今次都冇俾佢食。烟肉磨菇Pizza块饼唔厚又唔会薄到脆卜卜，我觉得咁样反而最好味！虽然都钟情于 pizza hut 嘅芝心批，但佢其余嘅饼底都只属一般，唔太啱我。法式面包布甸呢个最迟先嚟，个个都饱哂咁滞，当然包括我。但一试就觉得好正呀！唔太甜，几乎系我一个人食哂！想小朋友有啲菜落肚，所以放弃咗本来想叫嘅粟米著蓉（其实呢个都系想俾小朋友食）。芝士比较稀，西兰花够林。最后呢杯叫彩虹梳打，系推广之一：厨师推介（官网写嘅）。系一杯汽水入面有好多粒大大粒嘅啫喱，小朋友劲钟意食，但真系好大粒吓，冇返咁大个口嘅都要切细啲俾小朋友食！ 我仔竟然粒粒都成旧食…吹胀！至于个汽水就紧系我饮哂啦！细路仔唔饮
我哋6个人，4大2小，仲有一个baby，等咗10分8分钟就有位。
叫咗4个意粉/面。1个pizza，1个甜品，1个小食。
卡邦尼意粉几好，不过味道稍浓。
菠菜汁龙脷柳阔条面
呢个都唔错。
朋友叫果两个冇影到相，但我试咗其中一个叫香草意粉嘅，唔错呀！有啲人话冇乜味？我唔觉㖞！几好味丫！
蜜糖鸡翼
唔想俾阿仔食太多鸡翼，mm....怕有激素，所以今次都冇俾佢食。
烟肉磨菇Pizza
块饼唔厚又唔会薄到脆卜卜，我觉得咁样反而最好味！虽然都钟情于 pizza hut 嘅芝心批，但佢其余嘅饼底都只属一般，唔太啱我。
法式面包布甸
呢个最迟先嚟，个个都饱哂咁滞，当然包括我。但一试就觉得好正呀！唔太甜，几乎系我一个人食哂！
想小朋友有啲菜落肚，所以放弃咗本来想叫嘅粟米著蓉（其实呢个都系想俾小朋友食）。芝士比较稀，西兰花够林。
最后呢杯叫彩虹梳打，系推广之一：厨师推介（官网写嘅）。
系一杯汽水入面有好多粒大大粒嘅啫喱，小朋友劲钟意食，但真系好大粒吓，冇返咁大个口嘅都要切细啲俾小朋友食！ 我仔竟然粒粒都成旧食…吹胀！至于个汽水就紧系我饮哂啦！细路仔唔饮冇损失！ 份量就俾啲啫喱占咗唔少，所以我唔太好饮汽水嘅都觉得少咗啲啲。
其实我觉得呢度嘅价钱算平，仲要有返咁上下水准，所以个人认为实属抵食！赞！
张贴
