勝八鉄板串料理 (已結業)

同朋友食lunch, 今次去到有惊喜，set lunch menu多左好多选择，但今次特别想食薄烧牛肉，所以就叫左B餐🙈刺身有三文鱼同甜虾，分量少少，但都好新鲜👍🏻鹅肝多士都几好味，鹅肝肥美，煎得又香❤️淋上面既汁系甜既，好特别！配埋香脆既多士，口感好丰富👍🏻依个餐可以选择炒饭或乌冬，我就拣左牛肉乌冬！个乌冬就不过不失啦，汤比较清，不过牛肉都几嫩既！轮到我最爱既薄烧牛肉啦❤️入面包住香葱，牛肉岩岩熟，点埋佢地特制既酱汁，非常好味😊而带子方面，餐厅好贴心咁切晒粒，啲汁就颇重牛油味，反而我就觉得盖过左带子本身既鲜味☹️最后仲送左cookies and cream雪糕😍好圆满啊😍