影片
更多
2018-02-02
351 浏览
平时喺日式餐厅食个吉列类嘅饭, 闲闲哋都要成百蚊｡ 今次上网揾到呢间餐厅, 听闻系又高质素又经济, 所以夜晚专登去九龙湾试下 (其实佢喺香港有好多分店)｡ 餐厅喺淘大入面个美食街尽头, 都算易揾, 而且 7 点几去到都唔洗等位｡ 今日 Order 左两个超值套餐, 套餐系包一杯餐饮｡和风汁吉列三重奏饭套餐 吉列三重奏究竟有边三样, 其实系吉列虾、吉列猪柳 & 吉列黄金豚肉饼, 一次过可以食到三款, 全部都炸得好香脆, 同时又唔会炸到入面 D 肉干争争, 配埋酸酸哋嘅和风汁, 食落去非常开胃｡吉列炸虾鸡扒定食平时食开吉列猪同吉列虾, 吉列鸡都系第一次食, 估唔到都有惊喜, 吉列鸡外层好脆, 入面仍保留好多肉汁, 而鸡肉嘅口感仲好嫩滑, 真系好好味 ｡ 呢个定食跟左碗饭 & 野菜豚肉汤, 个汤材料十足, 味道一 D 都唔薄弱｡总结: 食物份量够多, 味道唔会输过出面嘅吉列日式餐厅, 而且价钱绝对系抵食｡
和风汁吉列三重奏饭套餐
吉列三重奏究竟有边三样, 其实系吉列虾、吉列猪柳 & 吉列黄金豚肉饼, 一次过可以食到三款, 全部都炸得好香脆, 同时又唔会炸到入面 D 肉干争争, 配埋酸酸哋嘅和风汁, 食落去非常开胃｡
和风汁吉列三重奏饭
24 浏览
0 赞好
0 留言
吉列炸虾鸡扒定食
平时食开吉列猪同吉列虾, 吉列鸡都系第一次食, 估唔到都有惊喜, 吉列鸡外层好脆, 入面仍保留好多肉汁, 而鸡肉嘅口感仲好嫩滑, 真系好好味 ｡ 呢个定食跟左碗饭 & 野菜豚肉汤, 个汤材料十足, 味道一 D 都唔薄弱｡
吉列炸虾鸡扒定食
30 浏览
0 赞好
0 留言
总结: 食物份量够多, 味道唔会输过出面嘅吉列日式餐厅, 而且价钱绝对系抵食｡
题外话/补充资料：
炸物下面𠮶 D 椰菜丝捞和风汁或芝麻酱食, 一样咁好味 !!
(以上食记乃用户个人意见 , 并不代表OpenRice之观点。)
张贴
