農場餐廳 (已結業)

近日餐厅改左名做农场餐厅，好似连menu都转埋，以往有$28肉酱意粉（虽然都冇食过），但改名后好似冇左。但仍有我钟意食的猪扒意粉配蒜蓉汁加牛脷，都只系$64咋。块扒依旧大大块，加$15就有三片牛脷。牛脷超腍，猪扒煎到脆边，块扒有少少脂肪，煎到劲香，怕肥嘅我都忍唔住要食埋呀。意粉唔会煮过腍，配蒜蓉汁一流😋。仲有少少菜，系椰菜同番茄，中和下肉嘅油份。朋友叫嘅系9安士西冷（$88），仲有肉眼选择，贵少少 ，9安士都系$98咋，呢个就留番下次试啦。哗，9安士对于我黎讲都几大份㖞，男士或者可选12安士。块扒够晒厚，order 左五成，店员真系煮出五成的效果，绝不马虎。可配黑椒汁/香草汁/牛肝菌汁等等，选择够多，梗有一款啱你。呢间餐厅系呢区食扒的不二之选，价钱亲民又好食。但如果你你为左食环境或者要同朋友吹水，可能就要另觅地方喇。