Mee...lemongrass (彩園廣場) (已結業)

开始可以出街食夜晚饭之后，我都唔敢话周围去食饭，都系拣d附近既餐厅。听落好似好求其，但系其实呢间绝对唔求其，调番转我觉得佢绝对系其中一间北区最好食既餐厅之一。首先我觉得餐厅环境好干净企理，用餐时都好舒服，食物质素更加系好高。首先一定要讲呢个秘制特色牛骨汤河，性价比绝对系100分，料劲多劲丰富，牛肉牛腩够淋又充满牛味，牛丸烟韧弹牙，牛柏叶爽口，另外个汤底都劲出色，搞到我忍唔住饮哂成个汤。跟住令我觉得无得弹既系呢碟马拉盏炒秋葵。厨师处理得好好，秋葵食落完全唔会有滑潺潺既感觉，调番转个质感好爽好好味，我从来无食过咁好味既秋葵，因为我本身唔系太钟意果个味道，而家少少辣非常惹味。仲有叫左一品牛柳粒，铁板上令个牛柳粒更加惹味，虾饼弹牙皮够簿得黎又脆，最后软壳蟹米纸卷卖样靓，馅劲足料好好味。