果子｜海南雞飯·喇沙摻摻 外賣專門店

营业中

休息中

今日下午去左朋友家，走时系巴士站附近买埋外卖回家，呢间海南鸡饭舖都几正，又平又好食！我嗌左个海南鸡饭配埋汤系油饭都系40元，全日同价，真系超值，d鸡好滑，份量都多，而且三种酱料都好味，正呀！！另外我老公要面，佢就食左帆立贝喇沙掺掺，是油面同米粉2种面的，喇沙汤底香浓美味，吾算辣，好惹味，同埋除左好多粒帆立贝外，仲有蚬，蛋，鱼蛋，芽菜等其他配料，口感丰富，外卖是分汤的，吾怕回到家d面淋晒。点了2小食， 南乳鸡翼同埋猪颈肉，鸡翼香口南乳咸香又吸引， 猪颈肉好抵食，记得28蚊，有成大盒，香脆又嫩滑，好味！全部先百多元，又好食，份量又多，抵食。