無肉食 (如心廣場二期) (已結業)

每个月总有几日想食素～揾揾下见到原来荃湾无肉食这间店都有做自助餐～下午茶仲只要$50免加一即刻出发，可能真系太抵食，2点半先开始的下午茶，2点已经有人排队。小编今日闲日来食2点15分到已派第十个左右准时入得去～店员起门口先收钱 再自行拣位店面清洁 门口同拎野食位有提供手消毒酒精，仲有纸巾提供下午茶数埋都好多野食 约40款。有红米饭，粥，炒面，连炒银针粉都有。味道唔系太浓，我觉得ok~亦有提供辣酱。汤一款，是日是佛手瓜汤，好味道沙律，10款。最钟意佢的鲜果沙律，苹果爽甜。仲有珊瑚草同云耳都调得好好味。蒸点，2款。蒸菜包同细马拉糕。马拉糕好味道，可惜出左一次就无了甜品，有2款糕 （红豆糕同白色燕麦糕）甜度适中又弹牙，正。糖水1款，木耳雪耳。大大个雪耳够足料，可惜我觉得甜左d。炸点，约8-9款。食食下会有新野～推荐春卷，超脆。仲食到迷你煎堆～正。可能近新年有糕食，萝卜糕同马蹄糕都好好味，马蹄糕入面好多马蹄粒～又爽又弹牙。萝卜糕系素所以无蜡肠，但用了本地萝卜～味道唔错～如果有甜酱就好啦。热食。当然系好多好多菜～一半系唔同的炒菜。另一半会做其他款，比如微辣的焗薯仔同炆芋头。不得不提佢个蒸水蛋，有