泰Grill (天晉匯)

今次同老公拍拖拣咗嚟将军澳呢间泰国餐厅食饭，2个人300零蚊埋单食到劲饱…肉碎生菜包本身我系超钟意食生菜包，所以去亲食泰国嘢都会叫，呢度都无令我失望，我哋拣咗少辣都好惹味，生菜上枱时系冰冻，而且好新鲜干净爽脆，食完会想再食。老公因为食得辣所以话再辣啲应该会更惹味，所以佢话下次要卖甩我叫返正常辣度😂串烧（3串）我哋叫咗鸡牛猪各一，全部都烧到好香口，里面keep到肉汁，跟埋嘅沙嗲酱好香好好食，我拎埋嚟捞饭🙈原条菠萝海鲜炒饭炒饭加埋菠萝好香甜，海鲜都唔少，有青口、虾、鱿鱼，再有好甜嘅烧菠萝，俾我老公食晒👍🏼冬荫功汤金边粉（鸡肉）冬荫功好香，拣左少辣都好香口，好有椰香，青柠味都好出，微酸好惹味，金边粉软硬度适中，呢个$62好抵食，有面仲可以饮埋汤，我哋差唔多清晒碗😂食泰国嘢我一定会叫珍多冰🍹，有得饮又有嘢咬，但呢度嘅珍多冰真系好大杯，仲要只系38蚊，你睇佢拍埋落杯正常size嘅青柠可乐度，就知大杯几多，超抵饮👍🏼食完饭仲可以喺出面慢步一吓，挂满晒灯都几浪漫㗎👍🏼