曼谷車站

营业中

休息中

九龙湾既街坊小店，主打泰国菜，堂食同外卖都深受街坊欢迎。食晏就都系$50-$60 左右一个饭，仲包热饮，几抵食。《马拉盏通菜炒牛肉》 $50充满泰国风味，充满香料既香气，少少辣又唔会太咸，𩠌饭一流。牛肉份量正常，都几嫩滑，唔会韧。《泰式炒金边粉》 $53上菜热辣辣，金边粉唔会太干身，黏身少少，食落有啲烟靭弹牙。一碟有三只中size 虾，配上酸酸甜甜嘅酱汁，食落好开胃。最钟意佢加咗少少菜脯落去炒，碟上附上花生碎，混合一齐食，令口感更丰富。餐厅环境干净，装修几特别，以火车车厢理念设计，好有泰国特色。一路食既时候都听到佢有唔少外卖订单，生意都几好。晚市暂时未试过，揾机会再去试下😆