隱日本料理 (已結業)

今日客人约咗我喺中环太子大厦连接历山大厦桥口要落10级楼梯左右嘅新日本餐厅「Kakure隐日本餐厅」食午餐，我点左「烟熏鸡腿御膳」Smoked Chicken Gozen，饱到上心口，包括煮大根（即是白萝卜，呢个几好味，有啲瑶柱）、茶碗蒸（炖蛋、用的木鱼汤食得出是新鲜制的）、日式杂菜沙律（冇乜特别，沙律酱汁喺超市都买到）、刺身两种（有吞拿鱼和不知什么白色的鱼，呢个反而冇乜特别鲜甜味）、银雪鱼铁板烧（味道唔错）、主菜日本鸡肉饭（用日本的樱花目烧着然之后烟熏，一打开个木盖即刻冒烟，香喷喷！👍啲日本鸡肉味道都好！）、味噌煮（其实这个汁系倒入铁板银雪鱼度，咸度啱啱好！）$450再加一，$500也！想不到中环太子大厦的日本餐也不太贵！😳客人点了的是剁碎左嘅吞拿鱼鱼生饭，走葱，看来她也满意，$260再加一。呢度嘅装修非常之靓，坐得又舒服，根本想像不到太子大厦会有这个相宜价钱的日本餐厅，以后约朋友或者客人喺中环见面又多一个非常之好嘅选择。