Elephant Kitchen (已搬遷) 新店位置

小店装修普通，位置少少迫，之前听闻女店员服务态度差，但我又唔觉特别差，好正常，可能佢态度有改善，吸返客？叫左个红酒烩羊膝，煎牛排，每个餐会跟一小杯汤同沙律，佢既汤系非常浓稠，好够味，感觉系好精华既一杯浓汤咁。佢个沙律既酱系蜜糖芥末酱。红酒烩羊膝，一上菜，好大，啲羊肉好淋，一切劲易分离，红酒味少许，羊肉无乜羊味，但胜在羊膝肉非常嫩，而且，非常钟意佢既配菜，紫薯泥，好有紫薯味，香甜，软糯绵。煎牛排既生熟度亦非常到位，有牛味，而且摆盘都好美观，有机会下次一定会再来食的。