影片
更多
2019-09-25
1843 浏览
因为系附近做物理治疗，所以揾到呢间上楼嘅餐厅食晚餐一入去坐底送咗一杯细细嘅芒果沙冰，芒果味好香口感好滑。落单后好快就上汤、前菜同沙律，汤有蘑菇汤同南瓜汤，上面仲有个笑哈哈样，好有心机呢~南瓜汤都算滑，不过香料黑椒比较重，反而蘑菇汤好浓郁亦食到菇蓉。之后系沙律同前菜，我叫咗个柚子汁配寒天沙律+韩式豆腐饼配木鱼丝，好少餐厅会有寒天食，再配埋甜甜地嘅柚子汁，非常特别。而韩式豆腐饼加咗木鱼丝好香，微微的泡菜辣配合豆腐饼淋淋地又几夹几好食。另一半叫咗个三文鱼沙律+三文鱼他他多士，沙律对比起我嘅寒天沙律失色咗少少，但反而三文鱼他他多士配上沙律酱同蟹籽，咸咸地几浓味反而我比较钟意。主菜一个系慢煮三文鱼配三文鱼焗薯同烤大啡菇配酸忌廉焗薯，三文鱼都唔错，有鱼味几香，肉质比较实咗少少。反而烤大啡菇一上台已经好香，上面仲满满芝士薯蓉，配埋黑松露好香好好食！三文鱼焗薯Mix 埋真系有蛋黄嘅蛋黄酱真系好正！ 酸忌廉焗薯上面亦满满烟肉碎粒，真系估佢唔到！最后系甜品系朱古力蛋糕同水果茶，朱古力蛋糕都唔算太甜，蛋糕底比较实，似系手工做，朱古力味可以再浓D 就好。而水果茶比较甜，但又配埋片橙酸酸甜甜咁 又几特别~ 呢到
一入去坐底送咗一杯细细嘅芒果沙冰，芒果味好香口感好滑。落单后好快就上汤、前菜同沙律，汤有蘑菇汤同南瓜汤，上面仲有个笑哈哈样，好有心机呢~
南瓜汤都算滑，不过香料黑椒比较重，反而蘑菇汤好浓郁亦食到菇蓉。
之后系沙律同前菜，我叫咗个柚子汁配寒天沙律+韩式豆腐饼配木鱼丝，好少餐厅会有寒天食，再配埋甜甜地嘅柚子汁，非常特别。而韩式豆腐饼加咗木鱼丝好香，微微的泡菜辣配合豆腐饼淋淋地又几夹几好食。
另一半叫咗个三文鱼沙律+三文鱼他他多士，沙律对比起我嘅寒天沙律失色咗少少，但反而三文鱼他他多士配上沙律酱同蟹籽，咸咸地几浓味反而我比较钟意。
主菜一个系慢煮三文鱼配三文鱼焗薯同烤大啡菇配酸忌廉焗薯，三文鱼都唔错，有鱼味几香，肉质比较实咗少少。反而烤大啡菇一上台已经好香，上面仲满满芝士薯蓉，配埋黑松露好香好好食！三文鱼焗薯Mix 埋真系有蛋黄嘅蛋黄酱真系好正！ 酸忌廉焗薯上面亦满满烟肉碎粒，真系估佢唔到！
最后系甜品系朱古力蛋糕同水果茶，朱古力蛋糕都唔算太甜，蛋糕底比较实，似系手工做，朱古力味可以再浓D 就好。而水果茶比较甜，但又配埋片橙酸酸甜甜咁 又几特别~
呢到个服务唔错，因为我地都比较迟上去，本身甜品系奶冻，但食到中途待应话奶冻卖晒，帮我地Free Upgrade 呢款朱古力蛋糕，仲系咁讲唔好意思。其实我地真系无咩所谓，因为呢个餐真系好抵，出面嘅餐厅好少有沙律又有前菜同汤，好多时都只系2/3 拣一，就算有齐3样都唔会咁大分量，真系好抵食又好食！
张贴
