咪走雞 (已結業)

在很多商场都唔开既关系，幸好去葵兴工作完，附近商场可以食个下午茶，拣左咪走鸡，是日人流不多， 环境地方阔落十分干净，仲有不少卡位， 阿女食饱捐窿捐罅都唔做，个View唔错 望到睇个政府合署。（辣）招牌咪走鸡白饭 - 送来的时候酱汁沸腾， 要待一阵先至食到，酱汁有点点辣味，好浓好稠，鸡肉非常鲜甜，肉质超级嫩滑，白饭捞汁已经够晒味。花胶鲍鱼汁鸡粒炒饭 - 花胶好滋润，仲有好多片，好厚肉，好软身 ，烹调浸煮应该花不少时间，都不用$70连饮品或例汤， 好抵食。鸡肉切粒，炒饭粒粒分明，干身，每粒都有鲍鱼汁，唔见有白饭粒。是日例汤，汤料有红萝卜，大大旧瘦肉，觉得太过咸， 越饮越口渴。