美味廚 (已結業)

难得疫情缓和，今晚放工同老公去左美味厨食上海菜。之前成日行aeon, 见到美味厨都唔少客人出入， 应该唔错， 今晚黎试下。未黎之前就做晒功课， 睇下有咩好食。蟹肉瑶柱羹＋排骨菜饭（85蚊）：个羹有唔少蟹肉同瑶柱， 味道唔错， 加少少醋有d似去饮d汤羹。排骨摆满个饭上面， 排骨偏甜。台式炸豆腐（18蚊）＋炸大肠（48蚊）：炸豆腐外脆内嫩， 仲有汁。炸大肠系切左片先拎去炸， 食落去每一面都系脆， 猪肠冇怪味， 系好食。食个下隔离枱叫左砂锅鱼头煲好吸引， 卖相都唔错， 下次要试。d 楼面姐姐好好招呼， 服务态度好。