川味亭

营业中

休息中

尖沙咀黎讲，想食串烧同饮啤酒嘅话，依间绝对系抵食之选！串烧选择都好足够，肉类、海鲜、蔬菜、丸应有尽有，所有串烧都系即叫即整，热辣辣好惹味。首先一定唔少得叫肉，试左猪颈肉($25)、鸡软骨($15)、鸡肾($18)，加左孜然粉同辣椒粉。猪颈肉烧完入口好juicy，肉质嫩滑。鸡软骨同鸡肾入口好脆，好有咬口。海鲜方面叫咗蒜蓉烧鲍鱼（$68/2），鲍鱼柔软有韧劲。仲叫左蒜蓉扇贝（ $68/2)，好大粒，多汁又鲜甜。之后就叫咗烧茄子($38)同秋葵($15)，烧茄子入口好滑，劲多蒜蓉好香！另外烧秋葵都好特别，保持到口感爽脆依到仲有锡纸焗娃娃菜($38)，清淡之选！配埋啤酒真系无得输！