越北牛肉粉專門店

营业中

休息中

喺屋企附近想食越南野，多数我会去越北，饭/汤粉同小食都多选择，加上有时收工收得夜，佢收10pm(Last order9:30pm)，我都仲赶得切食到。14/11无端端多咗日风假，同屋企人嚟食下午茶，都几抵~下午茶餐包饮品，点咗顺化香茅猪扒饭同河内烤猪肉捞檬，其实下午茶份量同正餐一样咁大碟👍🏻猪扒够香而且都好软稔🐖佢有个配菜系蛋+肉碎+木耳粉丝咁，几有特色。而檬粉配菜有生菜，青瓜，萝卜丝，落埋汁酸酸地够开胃。都要赞下烤猪肉，肥瘦相间，配嘅汁又系劲香，出面比较少有。另外加$20就有个小食河内炸春卷两件~仲单点叫咗个牛油鸡翼🐔平时都食开，大只香脆，牛油味加蒜蓉味浓郁👍🏻同埋堂食都几舒服，环境干净舒适，同埋装修都好越式~几靓！